Ghareeb Mehnat Kash ki Hosla Afzai Hamara Farz Hai

ﻣﯿﮟ ﺍﭘﻨﮯ ﺍﯾﮏ ﺳﻨﺎﺭ ﺩﻭﺳﺖ ﮐﯽ ﺩﮐﺎﻥ ﭘﺮ ﺑﯿﭩﮭﺎ ﮨﻮﺍ ﺗﮭﺎ.. ﻭﮨﺎﮞ ﺍﯾﮏ ﺑﻮﮌﮬﯽ ﻋﻮﺭﺕ آئی.. ﺍﺱ ﮐﮯ ﮨﺎﺗﮫ ﻣﯿﮟ کچھ ﮐﭙﮍﮮ ﺗﮭﮯ ﺟﻮﻋﺎﻡ ﻃﻮﺭ ﭘﺮ ﺷﯿﺸﮯ ﻭﻏﯿﺮﮦ ﮐﯽ ﺻﻔﺎﺋﯽ ﻣﯿﮟ ﮐﺎﻡ ﺁﺗﮯ ﮨﯿﮟ.. ﺍﺱ ﻋﻮﺭﺕ ﻧﮯ ﻋﺎﺟﺰﯼ ﺳﮯ ﮐﮩﺎ.. “سیٹھ ! ﯾﮧ ﮐﭙﮍﮮ ﺧﺮﯾﺪ ﻟﻮ ﺻﻔﺎﺋﯽ ﮐﮯ ﻟﺌﮯ..”
ﻣﯿﺮﺍ ﺩﻭﺳﺖ ﺍﺱ ﻭﻗﺖ مجھ ﺳﮯ ﺍﯾﮏ ﻣﺬﮨﺒﯽ ﺑﺤﺚ ﻣﯿﮟ ﻣﺼﺮﻭﻑ ﺗﮭﺎ.. ﺍﺱ ﻧﮯ فوراَ ﺍﺱ ﺑﻮﮌﮬﯽ ﻋﻮﺭﺕ ﺳﮯ ﮐﮩﺎ.. “ﻧﮩﯿﮟ ﭼﺎﮨﺌﮯ..”
ﻣﯿﮟ ﻧﮯ ﺑﯿﭻ ﻣﯿﮟ ﻣﺪﺍﺧﻠﺖ ﮐﯽ.. ” ﯾﺎﺭ! ﻟﮯ ﻟﻮ ﻧﺎ.. ﮐﺎﻡ ﺁﺋﯿﮟ ﮔﮯ..”
ﻣﯿﺮﮮ ﺩﻭﺳﺖ ﻧﮯ ﺍﺱ ﺳﮯ ﭘﻮﭼﮭﺎ.. “ﮐﺘﻨﮯ ﮐﮯ ﮨﯿﮟ..؟”
ﻭﮦ ﻋﻮﺭﺕ ﺑﻮﻟﯽ.. “ﺳﯿﭩﮫ ! 10 ﺭﻭﭘﮯ ﮐﺎ ﺍﯾﮏ ﮨﮯ..”
ﻣﯿﺮﺍ ﺩﻭﺳﺖ ﺑﻮﻻ..”10 ﮐﺎ ﺗﻮ ﺑﮩﺖ ﻣﮩﻨﮕﺎ ﮨﮯ.. 20 ﺭﻭﭘﮯ ﻣﯿﮟ 3 ﺩﯾﻨﺎ ﮨﮯ ﺗﻮ ﺩﻭ ﻭﺭﻧﮧ ﺟﺎﺅ..”
ﻣﯿﮟ ﻧﮯ ﭘﮭﺮ ﻣﺪﺍﺧﻠﺖ ﮐﯽ..”ﺍﺭﮮ ﯾﺎﺭ! ﺗﻢ ﺍﺳﮯ 30 ﺭﻭﭘﮯ ﺩﮮ ﺩﻭ..”
ﻣﯿﺮﮮ ﺩﻭﺳﺖ ﮐﺎ ﻣﻨﮧ ﮐﮭﻠﮯ ﮐﺎ ﮐﮭﻼ ﺭﮦ ﮔﯿﺎ..”ﻟﯿﮑﻦ..”
ﻣﯿﮟ ﻧﮯ ﮐﮩﺎ.. “ﻟﯿﮑﻦ ﻭﯾﮑﻦ ﮐﻮ ﭼﮭﻮﮌﻭ.. ” ﻣﯿﮟ ﻧﮯ ﺍﭘﻨﯽ ﺟﯿﺐ ﺳﮯ30 ﺭﻭﭘﮯ ﻧﮑﺎﻟﮯ.. “ﯾﮧ ﻟﻮ ﺍﻣﺎﮞ..”
ﺍﺱ ﻋﻮﺭﺕ ﻧﮯ ﻣﯿﺮﮮ ہاتھ ﺳﮯ ﺭﻭﭘﮯ ﻟﺌﮯ ﺍﻭﺭ ﮐﭙﮍﮮ ﺩﯾﻨﮯ ﮐﮯ ﺑﻌﺪ ﺁﺳﻤﺎﻥ ﮐﯽ ﻃﺮﻑ ﺍﺷﺎﺭﮦ ﮐﺮﺗﯽ ﮨﻮﺋﯽ ﺩﻋﺎﺋﯿﮟ ﺩﯾﺘﯽ ﮨﻮﺋﯽ ﭼﻠﯽ ﮔﺌﯽ..
ﻣﯿﺮﺍ ﺩﻭﺳﺖ ﻓﻮﺭﺍَ ﺑﻮﻻ.. “ﯾﮧ ﮐﯿﺎ ﺣﺮﮐﺖ..؟ ﺗﻤﮩﯿﮟ ﭘﺘﮧ ﮨﮯ ﻭﮦ 30 ﺭﻭﭘﮯ ﻣﯿﮟ ﺗﻮ 5 ﮐﭙﮍﮮ ﺩﮮ ﮐﮯ ﺟﺎﺗﯽ..”
ﻣﯿﮟ ﻧﮯ ﺍﺳﮯ ﺳﻤﺠﮭﺘﮯ ﮨﻮﺋﮯ ﮐﮩﺎ.. “ﺩﯾﮑﮭﻮ ﯾﺎﺭ! ﯾﮧ غریب ﻟﻮﮒ ﮨﯿﮟ.. ﺍﻥ ﮐﮯ ﻟﺌﮯ 10/20 ﺭﻭﭘﮯ ﺑﮍﯼ ﺍﮨﻤﯿﺖ ﺭﮐﮭﺘﮯ ﮨﯿﮟ.. ﺍﻥ ﮐﯽ ﺣﻮﺻﻠﮧ ﺍﻓﺰﺍﺋﯽ ﮐﯿﺎ ﮐﺮﻭ… ﯾﮧ ﺑﮭﯿﮏ ﻧﮩﯿﮟ ﻣﺎﻧﮕﺘﮯ’ ﭼﻮﺭﯼ ﻧﮩﯿﮟ ﮐﺮﺗﮯ.. ﯾﮧ ﺭﺯﻕِ ﺣﻼﻝ ﮐﻤﺎﺗﮯ ﮨﯿﮟ ﺭﺯﻕ_ﺣﻼﻝ.. ﺗﻤﮩﺎﺭﯼ ﻃﺮﺡ 18 ﮐﯿﺮﭦ ﮐﮯ ﺳﻮﻧﮯ ﮐﻮ 22 ﮐﯿﺮﭦ ﮐﺎ ﮐﮩﮧ ﮐﮯ ﻧﮩﯿﮟ ﺑﯿﭽﺘﮯ..”
ﻣﯿﺮﮮ ﺩﻭﺳﺖ ﻧﮯ ﮔﮭﻮﺭ ﮐﮯ ﻣﯿﺮﯼ ﻃﺮﻑ ﺩﯾﮑﮭﺎ.. ﻣﯿﮟ ﻧﮯ ﺍﺳﮯ ﭨﮭﻨﮉﺍ ﮐﺮﻧﮯ ﮐﮯ ﻟﺌﮯ ﺍﯾﮏ ﺯﻭﺭ ﮐﺎ ﻗﮩﻘﮩﮧ ﻟﮕﺎﯾﺎ..
“ﺍﺑﮭﯽ ﮐﻮﺋﯽ ﺍﻧﮑﻢ ﭨﯿﮑﺲ ﺁﻓﺲ ﺳﮯ ﺩﻭ ﭼﺎﺭ ﺍﻓﺴﺮﺁﺟﺎﺋﯿﮟ ﺗﻮ ﺍﻥ ﺣﺮﺍﻡ ﺧﻮﺭﻭﮞ ﮐﮯ ﻟﺌﮯ 2/3 ﭼﺮﻏﮯ ﺍﻭﺭ ﻟﺴﯿﺎﮞ ﻣﻨﮕﻮﺍ ﻟﻮ ﮔﮯ ﺗﺐ ﺗﻤﮩﺎﺭﺍ ﺩﻝ ﻧﮩﯿﮟ ﺟﻠﮯ ﮔﺎ.. ﺍﺑﮭﯽ 2/4 ﮔﺎﮨﮏ ﺁﺟﺎﺋﯿﮟ ﮔﮯ ﺗﻮ ﺍﻥ ﮐﮯ ﻟﺌﮯ ﺑﻮﺗﻠﯿﮟ ﺍﻭﺭ ﺁﺋﺴﮑﺮﯾﻢ ﻣﻨﮕﻮﺍﺗﮯ ﺗﻤﮩﯿﮟ ﻣﻮﺕ ﻧﮩﯿﮟ ﺁﺋﮯ ﮔﯽ ﻟﯿﮑﻦ ﺍﯾﮏ ﻏﺮﯾﺐ ﻋﻮﺭﺕ ﮐﻮ 30 ﺩﯾﻨﮯ ﭘﺮ ﺍﺗﻨﺎ ﺳﻮﭼﺘﮯ ﮨﻮ..”
ﺍﺏ ﺍﺱ ﮐﮯ ﺑﻮﻟﻨﮯ ﮐﯽ ﺑﺎﺭﯼ ﺗﮭﯽ.. “ﯾﮧ ﻏﺮﯾﺐ ﻭﺭﯾﺐ ﮐﻮﺋﯽ ﻧﮩﯿﮟ.. ﯾﮧ ﺍﭘﻨﮯ ﺁﭖ ﮐﻮ ﻣﺠﺒﻮﺭ ﻇﺎﮨﺮﮐﺮﮐﮯ ﺗﻢ ﺟﯿﺴﮯ ﺑﯿﻮﻗﻮﻓﻮﮞ ﺳﮯ ﭨﮭﯿﮏ ﭨﮭﺎﮎ ﮐﻤﺎﺗﯽ ﮨﯿﮟ ﺍﻭﺭ ﻭﯾﺴﮯ ﺑﮭﯽ ﻟﯿﻦ ﺩﯾﻦ ﻣﯿﮟ
ﺑﮭﺎﺋﻮ ﺗﺎﺋﻮ ﮐﺮﻧﺎ ﺗﻮ ﺳﻨﺖ ﮨﮯ..ﻣﯿﮟ ﻧﮯ ﮐﻮﺋﯽ ﻏﻠﻂ ﮐﯿﺎ..”
ﺍﺏ ﻣﯿﺮﺍ ﭘﺎﺭﮦ ﮨﺎﺋﯽ ﮨﻮﺍ..
ﯾﺎﺭ! ﺍﯾﮏ ﺗﻮ ﺗﻢ ﻟﻮﮔﻮﮞ ﮐﻮ ﺍﭘﻨﮯ ﻣﻄﻠﺐ ﮐﯽ ﺳﻨﺘﯿﮟ ﺍﻭﺭ ﺣﺪﯾﺜﯿﮟ ﺧﻮﺏ ﯾﺎﺩ ﺭﮨﺘﯽ ﮨﯿﮟ.. ﺟﺐ ﺍﯾﮏ ﺳﮯ ﺯﯾﺎﺩﮦ ﺷﺎﺩﯾﺎﮞ ﮐﺮﻧﯽ ﮨﻮ ﺗﻮ ﮐﮩﺘﮯ ﮨﻮ ﺳﻨﺖ ﮨﮯ.. ﺟﺐ ﮐﮭﺎﻧﺎ ﮐﮭﺎﻧﮯ ﮐﮯ ﺑﻌﺪ ﻣﯿﭩﮭﺎ ﮐﮭﺎﻧﮯ ﮐﻮ ﺩﻝ ﮐﺮﮮ ﺗﻮ ﮐﮩﻮ ﺳﻨﺖ ﮨﮯ.. ﺍﺭﮮ ﭘﯿﭧ ﭘﺮ ﭘﺘﮭﺮ ﺑﺎﻧﺪﮬﻨﺎ ﺑﮭﯽ ﺗﻮ ﺳﻨﺖ ﮨﮯ.. ﺧﻮﺩ ﺑﮭﻮﮐﮭﮯ ﺭﮦ ﮐﺮ ﺍﭘﻨﺎ ﮐﮭﺎﻧﺎ ﺑﮭﯽ ﺳﺎﺋﻞ ﮐﻮ ﮐﮭﻼ ﺩﯾﻨﺎ ﺑﮭﯽ ﺗﻮ ﺳﻨﺖ ﮨﮯ.. ﯾﮧ ﺳﻨﺘﯿﮟ ﯾﺎﺩ ﻧﮩﯿﮟ ﺭﮨﺘﯿﮟ.. ﺻﺮﻑ ﺍﭘﻨﮯ ﻣﻄﻠﺐ ﮐﯽ ﺳﻨﺖ ﺍﻭﺭ ﺣﺪﯾﺚ ﯾﺎﺩ ﺭﮨﺘﯽ ﮨﮯ..”
میرا دوست کھسیانی ہنسی ہنسنے لگا.. کہنے کو اس کے پاس کچھ نہیں بچا تھا !!!

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *